Oisse is vodraht


A Mark is a Fuchzgal, a Zwoaring a Cent,
Is nimma wia früher, ob bei uns oder drent.
Da Euro is super, ausserdem no stabil.
Man kanntad fast moana, mia san sehr agil.
A Telefon is a I-Pod, mia ham Dolby-Soround,
man geht heid zum brunchen, always around.
Des Gfeid sa hoasd chillen, Grias God hoasd „Hallo“
Fuck you hoast kratz mi, frog mi grod wieso?
An Kaffe den trinkt ma, ja meistens To Go
ebs ned gscheid wissen, hoasd „weisd du, und so“
Zum Spezl songs Alter, a Guadl is a Drobs
a Leckal hosd Cake heid, Polizisten san Cops.
Da Lagerist is da Storeman, bsuffa hoasd iats breit,
einkauffa is shoppen, beim Zoff hosd an Streit
Chantal lernt Stylistin, in echt schneids hoid Haar,
checken is aschaun, a asshole a Noar.
Mein Kind spricht nicht bayrisch, zieht doch nach Berlin
was soll es im Wald hier, wo kämen wir hin.
Hier gibt´s keine Bildung, die Leute sind doof,
Man siehts ja in Pocking, Passau und Vilshof.
Drauf sog i, ja super, des basst ma genau,
zoigts eine in Stod, eich braucht ja koa Sau,
Eiso dann pfiad eich Bye bye und Adieu
basst pfeigrod do ei, in des Grosstadtmillieu.
Bei mir gibts koan Pups ned, bei mir hoast des Schoas,
da Friseur is da Boda, glei das das woasd,
Polizei san de Grejna , a Kurvn a Reim,
Bin Bayer und stoiz drauf und des mecht I bleim.

Autor: Hubert Denk, Fiastnstoa. http://www.hubert-denk.de/

Advertisements
von Weisswurst-Blog-Zwiesel Veröffentlicht in Allgemein